https://dharmawiki.org/index.php?action=history&feed=atom&title=Balakanda_Sarga_1_%28%E0%A4%AC%E0%A4%BE%E0%A4%B2%E0%A4%95%E0%A4%BE%E0%A4%A3%E0%A5%8D%E0%A4%A1%E0%A5%87_%E0%A4%AA%E0%A5%8D%E0%A4%B0%E0%A4%A5%E0%A4%AE%E0%A4%B8%E0%A4%B0%E0%A5%8D%E0%A4%97%E0%A4%83%29 2026-04-18T23:06:17Z Revision history for this page on the wiki MediaWiki 1.35.4 https://dharmawiki.org/index.php?title=Balakanda_Sarga_1_(%E0%A4%AC%E0%A4%BE%E0%A4%B2%E0%A4%95%E0%A4%BE%E0%A4%A3%E0%A5%8D%E0%A4%A1%E0%A5%87_%E0%A4%AA%E0%A5%8D%E0%A4%B0%E0%A4%A5%E0%A4%AE%E0%A4%B8%E0%A4%B0%E0%A5%8D%E0%A4%97%E0%A4%83)&diff=118736&oldid=prev 2019-04-23T11:32:26Z

<p>slokas &amp; tags</p> <p><b>New page</b></p><div>__TOC__<br /> <br /> === Purushottama lakshana, Virtues of a Person ===<br /> तपस्स्वाध्यायनिरतं तपस्वी वाग्विदां वरम् ।<br /> <br /> नारदं परिपप्रच्छ वाल्मीकिर्मुनिपुङ्गवम् ।।1.1.1।।<br /> <br /> कोन्वस्मिन्साम्प्रतं लोके गुणवान्कश्च वीर्यवान् ।<br /> <br /> धर्मज्ञश्च कृतज्ञश्च सत्यवाक्यो दृढव्रत:।।1.1.2।।<br /> <br /> चारित्रेण च को युक्तस्सर्वभूतेषु को हित: ।<br /> <br /> विद्वान्क: कस्समर्थश्च कश्चैकप्रियदर्शन: ।।1.1.3।।<br /> <br /> आत्मवान्को जितक्रोधो द्युतिमान्कोऽनसूयक: । <br /> <br /> कस्य बिभ्यति देवाश्च जातरोषस्य संयुगे ।।1.1.4।।<br /> <br /> एतदिच्छाम्यहं श्रोतुं परं कौतूहलं हि मे ।<br /> <br /> महर्षे त्वं समर्थोऽसि ज्ञातुमेवंविधं नरम् ।।1.1.5।।<br /> <br /> श्रुत्वा चैतत्ित्रलोकज्ञो वाल्मीकेर्नारदो वच: ।<br /> <br /> श्रूयतामिति चामन्त्त्र्य प्रहृष्टो वाक्यमब्रवीत् ।।1.1.6।।<br /> <br /> बहवो दुर्लभाश्चैव ये त्वया कीर्तिता गुणा: ।<br /> <br /> मुने वक्ष्याम्यहं बुद्ध्वा तैर्युक्तश्श्रूयतान्नर: ।।1.1.7।। <br /> <br /> ''[[:Category:Virtues of a Person|Virtues of a Person]]'' ''[[:Category:Purushottama lakshana|Purushottama lakshana]]'' <br /> <br /> === Rama's Virtues, Physical Appearance of Rama ===<br /> इक्ष्वाकुवंशप्रभवो रामो नाम जनैश्श्रुत: ।<br /> <br /> नियतात्मा महावीर्यो द्युतिमान्धृतिमान् वशी ।।1.1.8।। <br /> <br /> बुद्धिमान्नीतिमान्वाग्मी श्रीमान् शत्रुनिबर्हण: ।<br /> <br /> विपुलांसो महाबाहु: कम्बुग्रीवो महाहनु: ।।1.1.9।।<br /> <br /> महोरस्को महेष्वासो गूढजत्रुररिन्दमः ।<br /> <br /> आजानुबाहुस्सुशिरास्सुललाटस्सुविक्रमः ।।1.1.10।।<br /> <br /> समस्समविभक्ताङ्गस्स्निग्धवर्ण: प्रतापवान् । <br /> <br /> पीनवक्षा विशालाक्षो लक्ष्मीवान् शुभलक्षणः ।। 1.1.11।।<br /> <br /> ''[[:Category:Rama's Virtues|Rama's Virtues]]'' ''[[:Category:Physical Appearance of Rama|Physical Appearance of Rama]]''<br /> <br /> === Rama's Virtues, Gunas of Rama ===<br /> धर्मज्ञस्सत्यसन्धश्च प्रजानां च हिते रतः ।<br /> <br /> यशस्वी ज्ञानसम्पन्नश्शुचिर्वश्यस्समाधिमान् ।।1.1.12।।<br /> <br /> प्रजापतिसमश्श्रीमान् धाता रिपुनिषूदनः ।<br /> <br /> रक्षिता जीवलोकस्य धर्मस्य परिरक्षिता ।।1.1.13।।<br /> <br /> रक्षिता स्वस्य धर्मस्य स्वजनस्य च रक्षिता ।<br /> <br /> वेदवेदाङ्गतत्त्वज्ञो धनुर्वेदे च निष्ठितः ।।1.1.14।।<br /> <br /> सर्वशास्त्रार्थतत्त्वज्ञस्स्मृतिमान्प्रतिभानवान् ।<br /> <br /> सर्वलोकप्रियस्साधुरदीनात्मा विचक्षणः ।।1.1.15।।<br /> <br /> सर्वदाभिगतस्सद्भिस्समुद्र इव सिन्धुभिः ।<br /> <br /> आर्यस्सर्वसमश्चैव सदैकप्रियदर्शनः ।।1.1.16।।<br /> <br /> स च सर्वगुणोपेत: कौसल्यानन्दवर्धन: ।<br /> <br /> समुद्र इव गाम्भीर्ये धैर्येण हिमवानिव ।।1.1.17।।<br /> <br /> विष्णुना सदृशो वीर्ये सोमवत्प्रियदर्शन: ।<br /> <br /> कालाग्निसदृश: क्रोधे क्षमया पृथिवीसम: ।।1.1.18।।<br /> <br /> धनदेन समस्त्यागे सत्ये धर्म इवापर: ।<br /> <br /> तमेवं गुणसम्पन्नं रामं सत्यपराक्रमम् ।।1.1.19।।<br /> <br /> ''[[:Category:Rama's Virtues|Rama's Virtues]]'' ''[[:Category:Gunas of Rama|Gunas of Rama]]'' <br /> ज्येष्ठं श्रेष्ठगुणैर्युक्तं प्रियं दशरथस्सुतम् । <br /> <br /> प्रकृतीनां हितैर्युक्तं प्रकृतिप्रियकाम्यया ।।1.1.20।।<br /> <br /> यौवराज्येन संयोक्तुमैच्छत्प्रीत्या महीपति: ।<br /> <br /> तस्याभिषेकसम्भारान्दृष्ट्वा भार्याऽथ कैकयी ।।1.1.21।।<br /> <br /> पूर्वं दत्तवरा देवी वरमेनमयाचत । <br /> <br /> विवासनं च रामस्य भरतस्याभिषेचनम् ।।1.1.22।।<br /> <br /> स सत्यवचनाद्राजा धर्मपाशेन संयत: ।<br /> <br /> विवासयामास सुतं रामं दशरथ: प्रियम् ।।1.1.23।।<br /> [[Category:Balakanda Sarga 1]]<br /> [[Category:Balaramayana]]<br /> [[Category:Narada's recitation of Ramayana to Valmiki]]<br /> [[Category:Rama's Virtues]]<br /> [[Category:Gunas of Rama]]<br /> [[Category:Physical Appearance of Rama]]<br /> [[Category:Virtues of a Person]]<br /> [[Category:Purushottama lakshana]]</div>

Pṛthvī