https://dharmawiki.org/index.php?action=history&feed=atom&title=Adiparva_Adhyaya_8_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AE%29 2026-04-09T10:15:58Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_8_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AE)&diff=120250&oldid=prev 2019-08-16T10:19:14Z

<p></p> <a href="https://dharmawiki.org/index.php?title=Adiparva_Adhyaya_8_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AE)&amp;diff=120250&amp;oldid=120212">Show changes</a>

Tsvora https://dharmawiki.org/index.php?title=Adiparva_Adhyaya_8_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AE)&diff=120212&oldid=prev 2019-08-11T14:28:15Z

<p>Created page with &quot;सौतिरुवाच स चापि च्यवनो ब्रह्मन्भार्गवोऽजनयत्सुतम्। सुकन्याया...&quot;</p> <p><b>New page</b></p><div>सौतिरुवाच<br /> <br /> स चापि च्यवनो ब्रह्मन्भार्गवोऽजनयत्सुतम्।<br /> <br /> सुकन्यायां महात्मानं प्रमतिं दीप्ततेजसम्॥ 1-8-1<br /> <br /> प्रमतिः तु रुरुं नाम घृताच्यां समजीजनत्।<br /> <br /> रुरुः प्रमद्वरायां तु शुनकं समजीजनत्॥ 1-8-2<br /> <br /> (शौनकस्तु महाभाग शुनकस्य सुतो भवान्।<br /> <br /> शुनकस्तु महासत्त्वः सर्वभार्गवनन्दनः।<br /> <br /> जातस्तपसि तीव्रे च स्थितः स्थिरयशास्ततः॥)<br /> <br /> तस्य ब्रह्मन्रुरोः सर्वं चरितं भूरितेजसः।<br /> <br /> विस्तरेण प्रवक्ष्यामि तच्छृणु त्वमशेषतः॥ 1-8-3<br /> <br /> ऋषिरासीन्महान्पूर्वं तपोविद्यासमन्वितः।<br /> <br /> स्थूलकेश इति ख्यातः सर्वभूतहिते रतः॥ 1-8-4<br /> <br /> एतस्मिन्नेव काले तु मेनकायां प्रजज्ञिवान्।<br /> <br /> गन्धर्वराजो विप्रर्षे विश्वावसुः इति स्मृतः॥ 1-8-5<br /> <br /> अप्सरा मेनका तस्य तं गर्भं भृगुनन्दन।<br /> <br /> उत्ससर्ज यथाकालं स्थूलकेशाश्रमं प्रति॥ 1-8-6<br /> <br /> उत्सृज्य चैव तं गर्भं नद्यास्तीरे जगाम सा।<br /> <br /> अप्सरा मेनका ब्रह्मन्निर्दया निरपत्रपा॥ 1-8-7<br /> <br /> कन्याममरगर्भाभां ज्वलन्तीमिव च श्रिया।<br /> <br /> तां ददर्श समुत्सृष्टां नदीतीरे महानृषिः॥ 1-8-8<br /> <br /> स्थूलकेशः स तेजस्वी विजने बन्धुवर्जिताम्।<br /> <br /> स तां दृष्ट्वा तदा कन्यां स्थूलकेशो महाद्विजः॥ 1-8-9<br /> <br /> जग्राह च मुनिश्रेष्ठः कृपाविष्टः पुपोष च।<br /> <br /> ववृधे सा वरारोहा तस्याश्रमपदे शुभे॥ 1-8-10<br /> <br /> जातकाद्याः क्रियाश्चास्या विधिपूर्वं यथाक्रमम्।<br /> <br /> स्थूलकेशो महाभागश्चकार सुमहानृषिः॥ 1-8-11<br /> <br /> प्रमदाभ्यो वरा सा तु सत्त्वरूपगुणान्विता।<br /> <br /> ततः प्रमद्वरा इत्यस्या नाम चक्रे महानृषिः॥ 1-8-12<br /> <br /> तामाश्रमपदे तस्य रुरुर्दृष्ट्वा प्रमद्वराम्।<br /> <br /> बभूव किल धर्मात्मा मदनोपहतस्तदा॥ 1-8-13<br /> <br /> पितरं सखिभिः सोऽथ श्रावयामास भार्गवम्।<br /> <br /> प्रमतिश्चाभ्ययाचत्तां स्थूलकेशं यशस्विनम्॥ 1-8-14<br /> <br /> ततः प्रादात्पिता कन्यां रुरवे तां प्रमद्वराम्।<br /> <br /> विवाहं स्थापयित्वाग्रे नक्षत्रे भगदैवते॥ 1-8-15<br /> <br /> ततः कतिपयाहस्य विवाहे समुपस्थिते।<br /> <br /> सखीभिः क्रीडती सार्धं सा कन्या वरवर्णिनी॥ 1-8-16<br /> <br /> नापश्यत्सम्प्रसुप्तं वै भुजङ्गं तिर्यगायतम्।<br /> <br /> पदा चैनं समाक्रामन्मुमूर्षुः कालचोदिता॥ 1-8-17<br /> <br /> स तस्याः सम्प्रमत्तायाश्चोदितः कालधर्मणा।<br /> <br /> विषोपलिप्तान्दशनान्भृशमङ्गे न्यपातयत्॥ 1-8-18<br /> <br /> सा दष्टा तेन सर्पेण पपात सहसा भुवि।<br /> <br /> विवर्णा विगतश्रीका भ्रष्टाभरणचेतना॥ 1-8-19<br /> <br /> निरानन्दकरी तेषां बन्धूनां मुक्तमूर्धजा।<br /> <br /> व्यसुरप्रेक्षणीया सा प्रेक्षणीयतमाभवत्॥ 1-8-20<br /> <br /> प्रसुप्ते वाभवच्चापि भुवि सर्वविषार्दिता।<br /> <br /> भूयो मनोहरतरा बभूव तनुमध्यमा॥ 1-8-21<br /> <br /> ददर्श तां पिता चैव ये चैवान्ये तपस्विनः।<br /> <br /> विचेष्टमानां पतितां भूतले पद्मवर्चसम्॥ 1-8-22<br /> <br /> ततः सर्वे द्विजवराः समाजग्मुः कृपान्विताः।<br /> <br /> स्वस्त्यात्रेयो महाजानुः कुशिकः शङ्खमेखलः॥ 1-8-23<br /> <br /> उद्दालकः कठश्चैव श्वेतश्चैव महायशाः।<br /> <br /> भरद्वाजः कौणकुत्स्य आर्ष्टिषेणोऽथ गौतमः॥ 1-8-24<br /> <br /> प्रमतिः सह पुत्रेण तथान्ये वनवासिनः।<br /> <br /> तां ते कन्यां व्यसुं दृष्ट्वा भुजङ्गस्य विषार्दिताम्।<br /> <br /> रुरुदुः कृपयाविष्टा रुरुस्त्वार्तो बहिर्ययौ॥ 1-8-25<br /> <br /> (ते च सर्वे द्विजश्रेष्ठास्तत्रैवोपाविशंस्तदा।)<br /> <br /> इति श्रीमहाभारते आदिपर्वणि पौलोमपर्वणि प्रमद्वरासर्पदंशेऽष्टमोऽध्यायः॥ 8 ॥</div>

Pṛthvī