https://dharmawiki.org/index.php?action=history&feed=atom&title=Adiparva_Adhyaya_7_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AD%29 2026-04-18T04:40:39Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_7_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AD)&diff=120245&oldid=prev 2019-08-15T09:05:25Z

<p></p> <a href="https://dharmawiki.org/index.php?title=Adiparva_Adhyaya_7_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AD)&amp;diff=120245&amp;oldid=120143">Show changes</a>

Tsvora https://dharmawiki.org/index.php?title=Adiparva_Adhyaya_7_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AD)&diff=120143&oldid=prev 2019-08-01T17:59:36Z

<p>Created page with &quot;सौतिरुवाच शप्तस्तु भृगुणा वह्निः क्रुद्धो वाक्यमथाब्रवीत्। कि...&quot;</p> <p><b>New page</b></p><div>सौतिरुवाच<br /> <br /> शप्तस्तु भृगुणा वह्निः क्रुद्धो वाक्यमथाब्रवीत्।<br /> <br /> किमिदं साहसं ब्रह्मन्कृतवानसि मां प्रति॥ 1-7-1<br /> <br /> धर्मे प्रयतमानस्य सत्यं च वदतः समम्।<br /> <br /> पृष्टो यदब्रवं सत्यं व्यभिचारोऽत्र को मम॥ 1-7-2<br /> <br /> पृष्टो हि साक्षी यः साक्ष्यं जानानोऽप्यन्यथावदेत्।<br /> <br /> स पूर्वानात्मनः सप्त कुले हन्यात्तथा परान्॥ 1-7-3<br /> <br /> यश्च कार्यार्थतत्त्वज्ञो जानानोऽपि न भाषते।<br /> <br /> सोऽपि तेनैव पापेन लिप्यते नात्र संशयः॥ 1-7-4<br /> <br /> शक्तोऽहमपि शप्तुं त्वां मान्यास्तु ब्राह्मणा मम।<br /> <br /> जानतोऽपि च ते ब्रह्मन्कथयिष्ये निबोध तत्॥ 1-7-5<br /> <br /> योगेन बहुधात्मानं कृत्वा तिष्ठामि मूर्तिषु।<br /> <br /> अग्निहोत्रेषु सत्रेषु क्रियासु च मखेषु च॥ 1-7-6<br /> <br /> वेदोक्तेन विधानेन मयि यद्धूयते हविः।<br /> <br /> देवताः पितरश्चैव तेन तृप्ता भवन्ति वै॥ 1-7-7<br /> <br /> आपो देवगणाः सर्वे आपः पितृगणास्तथा।<br /> <br /> दर्शश्च पौर्णमासश्च देवानां पितृभिः सह॥ 1-7-8<br /> <br /> देवताः पितरस्तस्मात्पितरश्चापि देवताः।<br /> <br /> एकीभूताश्च दृश्यन्ते[पूज्यन्ते] पृथक्त्वेन च पर्वसु॥ 1-7-9<br /> <br /> देवताः पितरश्चैव भुञ्जते मयि यद्धुतम्।<br /> <br /> देवतानां पितॄणां च मुखमेतदहं स्मृतम्॥ 1-7-10<br /> <br /> अमावास्यां हि पितरः पौर्णमास्यां हि देवताः।<br /> <br /> मन्मुखेनैव हूयन्ते भुञ्जते च हुतं हविः॥ 1-7-11<br /> <br /> सर्वभक्षः कथं त्वेषां भविष्यामि मुखं त्वहम्।<br /> <br /> सौतिरुवाच<br /> <br /> चिन्तयित्वा ततो वह्निश्चक्रे संहारमात्मनः॥ 1-7-12<br /> <br /> द्विजानामग्निहोत्रेषु यज्ञसत्रक्रियासु च।<br /> <br /> निरोंकारवषट्काराः स्वधास्वाहाविवर्जिताः॥ 1-7-13<br /> <br /> विनाग्निना प्रजाः सर्वास्तत आसन्सुदुःखिताः।<br /> <br /> अथर्षयः समुद्विग्ना देवान्गत्वाब्रुवन्वचः॥ 1-7-14<br /> <br /> अग्निनाशात्क्रियाभ्रंशाद्भ्रान्ता लोकास्त्रयोऽनघाः।<br /> <br /> विधद्ध्वमत्र यत्कार्यं न स्यात्कालात्ययो यथा॥ 1-7-15<br /> <br /> अथर्षयश्च देवाश्च ब्रह्माणमुपगम्य तु।<br /> <br /> अग्नेरावेदयञ्छापं क्रियासंहारमेव च॥ 1-7-16<br /> <br /> भृगुणा वै महाभाग शप्तोऽग्निः कारणान्तरे।<br /> <br /> कथं देवमुखो भूत्वा यज्ञभागाग्रभुक्तथा॥ 1-7-17<br /> <br /> हुतभुक्सर्वलोकेषु सर्वभक्षत्वमेष्यति।<br /> <br /> श्रुत्वा तु तद्वचस्तेषामग्निमाहूय विश्वकृत्॥ 1-7-18<br /> <br /> उवाच वचनं श्लक्ष्णं भूतभावनमव्ययम्।<br /> <br /> लोकानामिह सर्वेषां त्वं कर्ता चान्त एव च॥ 1-7-19<br /> <br /> त्वं धारयसि लोकांस्त्रीन्क्रियाणां च प्रवर्तकः।<br /> <br /> स तथा कुरु लोकेश नोच्छिद्येरन्यथा क्रियाः॥ 1-7-20<br /> <br /> कस्मादेवं विमूढस्त्वमीश्वरः सन्हुताशन।<br /> <br /> त्वं पवित्रं सदा लोके सर्वभूतगतिश्च ह॥ 1-7-21<br /> <br /> न त्वं सर्वशरीरेण सर्वभक्षत्वमेष्यसि।<br /> <br /> अपाने ह्यर्चिषो यास्ते सर्वं भोक्ष्यन्ति ताः शिखिन्॥ 1-7-22<br /> <br /> क्रव्यादा च तनुर्या ते सा सर्वं भक्षयिष्यति।<br /> <br /> यथा सूर्यांशुभिः स्पृष्टं सर्वं शुचि विभाव्यते॥ 1-7-23<br /> <br /> तथा त्वदर्चिर्निर्दग्धं सर्वं शुचि भविष्यति।<br /> <br /> त्वमग्ने परमं तेजः स्वप्रभावाद्विनिर्गतम्॥ 1-7-24<br /> <br /> स्वतेजसैव तं शापं कुरु सत्यमृषेर्विभो।<br /> <br /> देवानां चात्मनो भागं गृहाण त्वं मुखे हुतम्॥ 1-7-25<br /> <br /> सौतिरुवाच<br /> <br /> एवमस्त्विति तं वह्निः प्रत्युवाच पितामहम्।<br /> <br /> जगाम शासनं कर्तुं देवस्य परमेष्ठिनः॥ 1-7-26<br /> <br /> देवर्षयः च मुदितास्ततो जग्मुर्यथागतम्।<br /> <br /> ऋषयश्च यथापूर्वं क्रियाः सर्वाः प्रचक्रिरे॥ 1-7-27<br /> <br /> दिवि देवा मुमुदिरे भूतसङ्घाश्च लौकिकाः।<br /> <br /> अग्निश्च परमां प्रीतिमवाप हतकल्मषः॥ 1-7-28<br /> <br /> एवं स भगवाञ्छापं लेभेऽग्निर्भृगुतः पुरा।<br /> <br /> एवमेष पुरावृत्त इतिहासोऽग्निशापजः।<br /> <br /> पुलोम्नश्च विनाशोऽयं च्यवनस्य च सम्भवः॥ 1-7-29<br /> <br /> इति श्रीमहाभारते आदिपर्वणि पौलोमपर्वणि अग्निशापमोचने सप्तमोऽध्यायः॥ 7 ॥</div>

Pṛthvī