https://dharmawiki.org/index.php?action=history&feed=atom&title=Adiparva_Adhyaya_5_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%29 2026-04-04T19:45:39Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_5_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB)&diff=120209&oldid=prev 2019-08-10T14:22:55Z

<p></p> <a href="https://dharmawiki.org/index.php?title=Adiparva_Adhyaya_5_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB)&amp;diff=120209&amp;oldid=120141">Show changes</a>

Tsvora https://dharmawiki.org/index.php?title=Adiparva_Adhyaya_5_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB)&diff=120141&oldid=prev 2019-08-01T17:39:03Z

<p>Created page with &quot;शौनक उवाच पुराणमखिलं तात पिता तेऽधीतवान्पुरा। कच्चित्त्वमपि तत...&quot;</p> <p><b>New page</b></p><div>शौनक उवाच<br /> <br /> पुराणमखिलं तात पिता तेऽधीतवान्पुरा।<br /> <br /> कच्चित्त्वमपि तत्सर्वमभीषे लौमहर्षणे॥ 1-5-1<br /> <br /> पुराणे हि कथा दिव्या आदिवंशाश्च धीमताम्।<br /> <br /> कथ्यन्ते ये पुरास्माभिः श्रुतपूर्वाः पितुस्तव॥ 1-5-2<br /> <br /> तत्र वंशमहं पूर्वं श्रोतुमिच्छामि भार्गवम्।<br /> <br /> कथयस्व कथामेतां कल्याः स्म श्रवणे तव॥ 1-5-3<br /> <br /> सौतिरुवाच<br /> <br /> यदधीतं पुरा सम्यग्द्विजश्रेष्ठैर्महात्मभिः।<br /> <br /> वैशम्पायनविप्राग्र्यैस्तैश्चापि कथितं यथा॥ 1-5-4<br /> <br /> यदधीतं च पित्रा मे सम्यक्चैव ततो मया।<br /> <br /> तावच्छृणुष्व यो देवैः सेन्द्रैः सर्षिमरुद्गणैः॥ 1-5-5<br /> <br /> पूजितः प्रवरो वंशो भार्गवो भृगुनन्दन।<br /> <br /> इमं वंशमहं पूर्वं भार्गवं ते महामुने॥ 1-5-6<br /> <br /> निगदामि यथा युक्तं पुराणाश्रयसंयुतम्।<br /> <br /> भृगुर्महर्षिर्भगवान्ब्रह्मणा वै स्वयम्भुवा॥ 1-5-7<br /> <br /> वरुणस्य क्रतौ जातः पावकादिति नः श्रुतम्।<br /> <br /> भृगोः सुदयितः पुत्रश्च्यवनो नाम भार्गवः॥ 1-5-8<br /> <br /> च्यवनस्य च दायादः प्रमतिर्नाम धार्मिकः।<br /> <br /> प्रमतेरप्यभूत्पुत्रो घृताच्यां रुरुरित्युत॥ 1-5-9<br /> <br /> रुरोरपि सुतो जज्ञे शुनको वेदपारगः।1-5-10<br /> <br /> प्रमद्वरायां धर्मात्मा तव पूर्वपितामहः॥ 1-5-10<br /> <br /> तपस्वी च यशस्वी च श्रुतवान्ब्रह्मवित्तमः।<br /> <br /> धार्मिकः सत्यवादी च नियतो नियताशनः॥ 1-5-11<br /> <br /> शौनक उवाच<br /> <br /> सूतपुत्र यथा तस्य भार्गवस्य महात्मनः।<br /> <br /> च्यवनत्वं परिख्यातं तन्ममाचक्ष्व पृच्छतः॥ 1-5-12<br /> <br /> सौतिरुवाच<br /> <br /> भृगोः सुदयिता भार्या पुलोमेत्यभिविश्रुता।<br /> <br /> तस्यां समभवद्गर्भो भृगुवीर्यसमुद्भवः॥ 1-5-13<br /> <br /> तस्मिन्गर्भेऽथ सम्भूते पुलोमायां भृगूद्वहः।<br /> <br /> समये समशीलिन्यां धर्मपत्न्यां यशस्विनः॥ 1-5-14<br /> <br /> अभिषेकाय निष्क्रान्ते भृगौ धर्मभृतां वरे।<br /> <br /> आश्रमं तस्य रक्षोऽथ पुलोमाभ्याजगाम ह॥ 1-5-15<br /> <br /> तं प्रविश्याश्रमं दृष्ट्वा भृगोर्भार्यामनिन्दिताम्।<br /> <br /> हृच्छयेन समाविष्टो विचेताः समपद्यत॥ 1-5-16<br /> <br /> अभ्यागतं तु तद्रक्षः पुलोमा चारुदर्शना।<br /> <br /> न्यमन्त्रयत वन्येन फलमूलादिना तदा॥ 1-5-17<br /> <br /> तां तु रक्षस्तदा ब्रह्मन्हृच्छयेनाभिपीडितम्।<br /> <br /> दृष्ट्वा हृष्टमभूद्राजन्जिहीर्षुस्तामनिन्दिताम्॥ 1-5-18<br /> <br /> जातमित्यब्रवीत्कार्यं जिहीर्षुर्मुदितः शुभाम्।<br /> <br /> सा हि पूर्वं वृता तेन पुलोम्ना तु शुचिस्मिता॥ 1-5-19<br /> <br /> तां तु प्रादात्पिता पश्चाद्भृगवे शास्त्रवत्तदा।<br /> <br /> तस्य तत्किल्बिषं नित्यं हृद्यवर्तति भार्गव॥ 1-5-20<br /> <br /> इदमन्तरमित्येवं हर्तुं चक्रे मनस्तदा।<br /> <br /> अथाग्निशरणेऽपश्यज्ज्वलन्तं जातवेदसम्॥ 1-5-21<br /> <br /> तमपृच्छत्ततो रक्षः पावकं ज्वलितं तदा।<br /> <br /> शंस मे कस्य भार्येयमग्ने पृच्छे ऋतेन वै॥ 1-5-22<br /> <br /> मुखं त्वमसि देवानां वद पावक पृच्छते।<br /> <br /> मया हीयं वृता पूर्वं भार्यार्थे वरवर्णिनी॥ 1-5-23<br /> <br /> पश्चादिमां पिता प्रादाद्भृगवेऽनृतकारिणे।<br /> <br /> सेयं यदि वरारोहा भृगोर्भार्या रहोगता॥ 1-5-24<br /> <br /> तथा सत्यं समाख्याहि जिहीर्षाम्याश्रमादिमाम्।<br /> <br /> स मन्युस्तत्र हृदयं प्रदहन्निव तिष्ठति॥ 1-5-25<br /> <br /> मत्पूर्वभार्यां यदिमां भृगुराप सुमध्यमाम्।<br /> <br /> सौतिरुवाच<br /> <br /> एवं रक्षस्तमामन्त्र्य ज्वलितं जातवेदसम्॥ 1-5-26<br /> <br /> शङ्कमानं भृगोर्भार्यां पुनः पुनरपृच्छत।<br /> <br /> त्वमग्ने सर्वभूतानामन्तश्चरसि नित्यदा॥ 1-5-27<br /> <br /> साक्षिवत्पुण्यपापेषु सत्यं ब्रूहि कवे वचः।<br /> <br /> मत्पूर्वापहृता भार्या भृगुणानृतकारिणा॥ 1-5-28<br /> <br /> सेयं यदि तथा मे त्वं सत्यमाख्यातुमर्हसि।<br /> <br /> श्रुत्वा त्वत्तो भृगोर्भार्यां हरिष्याम्याश्रमादिमाम्॥ 1-5-29<br /> <br /> जातवेदः पश्यतस्ते वद सत्यां गिरं मम।<br /> <br /> सौतिरुवाच<br /> <br /> तस्यैतद्वचनं श्रुत्वा सप्तार्चिर्दुःखितोऽभवत्॥ 1-5-30<br /> <br /> भीतोऽनृताच्च शापाच्च भृगोरित्यब्रवीच्छनैः।<br /> <br /> अग्निरुवाच<br /> <br /> त्वया वृता पुलोमेयं पूर्वं दानवनन्दन॥ 1-5-31<br /> <br /> किन्त्वियं विधिना पूर्वं मन्त्रवन्न वृता त्वया।<br /> <br /> पित्रा तु भृगवे दत्ता पुलोमेयं यशस्विनी॥ 1-5-32<br /> <br /> प्रदत्ता न तु वै [ददाति न पिता] तुभ्यं वरलोभान्महायशाः।<br /> <br /> अथेमां वेददृष्टेन कर्मणा विधिपूर्वकम्॥ 1-5-33<br /> <br /> भार्यामृषिर्भृगुः प्राप मां पुरस्कृत्य दानव।<br /> <br /> सेयमित्यवगच्छामि नानृतं वक्तुमुत्सहे।<br /> <br /> नानृतं हि सदा लोके पूज्यते दानवोत्तम॥ 1-5-34<br /> <br /> इति श्रीमहाभारते आदिपर्वणि पौलोमपर्वणि पुलोमाग्निसंवादे पञ्चमोऽध्यायः॥ 5 ॥</div>

Pṛthvī