http://dharmawiki.org/index.php?action=history&feed=atom&title=Adiparva_Adhyaya_51_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%E0%A5%A7%29 2026-05-05T23:44:15Z Revision history for this page on the wiki MediaWiki 1.35.4 http://dharmawiki.org/index.php?title=Adiparva_Adhyaya_51_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AB%E0%A5%A7)&diff=120720&oldid=prev 2019-10-16T11:54:00Z

<p>new pg</p> <p><b>New page</b></p><div>सौतिरुवाच<br /> <br /> एवमुक्त्वा ततः श्रीमान्मन्त्रिभिश्चानुमोदितः।<br /> <br /> आरुरोह प्रतिज्ञां स सर्पसत्राय पार्थिवः॥ 1-51-1<br /> <br /> ब्रह्मन्भरतशार्दूलो राजा पारिक्षितस्तदा।<br /> <br /> पुरोहितमथाहूय ऋत्विजो वसुधाधिपः॥ 1-51-2<br /> <br /> अब्रवीद्वाक्यसम्पन्नः कार्यसम्पत्करं वचः।<br /> <br /> यो मे हिंसितवांस्तातं तक्षकः सु[स] दुरात्मवान्॥ 1-51-3<br /> <br /> प्रतिकुर्यां तथा तस्य तद्भवन्तो ब्रुवन्तु मे।<br /> <br /> अपि तत्कर्म विदितं भवतां येन पन्नगम्॥ 1-51-4<br /> <br /> तक्षकं सम्प्रदीप्तेऽग्नौ प्रक्षिपेयं सबान्धवम्।<br /> <br /> यथा तेन पिता मह्यं पूर्वं दग्धो विषाग्निना॥ 1-51-5<br /> <br /> तथाहमपि तं पापं दग्धुमिच्छामि पन्नगम्।<br /> <br /> ऋत्विज ऊचुः<br /> <br /> अस्ति राजन्महत्सत्रं त्वदर्थं देवनिर्मितम्॥ 1-51-6<br /> <br /> सर्पसत्रमिति ख्यातं पुराणे परिपठ्यते।<br /> <br /> आहर्ता तस्य सत्रस्य त्वन्नान्योऽस्ति नराधिप॥ 1-51-7<br /> <br /> इति पौराणिकाः प्राहुरस्माकं चास्ति स क्रतुः।<br /> <br /> सौतिरुवाच<br /> <br /> एवमुक्तः स राजर्षिर्मेने दग्धं हि तक्षकम्॥ 1-51-8<br /> <br /> हुताशनमुखे दीप्ते प्रविष्टमिति सत्तम।<br /> <br /> ततोऽब्रवीन्मन्त्रविदस्तान्राजा ब्राह्मणांस्तदा॥ 1-51-9<br /> <br /> आहरिष्यामि तत्सत्रं सम्भाराः सम्भ्रियन्तु मे।<br /> <br /> ततस्त[स्ते] ऋत्विजस्तस्य शास्त्रतो द्विजसत्तम॥ 1-51-10<br /> <br /> तं देशं मापयामासुर्यज्ञायतनकारणात्।<br /> <br /> यथावद्वेदविद्वांसः सर्वे बुद्धेः परं गताः॥ 1-51-11<br /> <br /> ऋद्ध्या परमया युक्तमिष्टं द्विजगणैर्युतम्।<br /> <br /> प्रभूतधनधान्याढ्यमृत्विग्भिः सुनिषेवितम्॥ 1-51-12<br /> <br /> निर्माय चापि विधिवद्यज्ञायतनमीप्सितम्।<br /> <br /> राजानं दीक्षयामासुः सर्पसत्राप्तये तदा॥ 1-51-13<br /> <br /> इदं चासीत्तत्र पूर्वं सर्पसत्रे भविष्यति।<br /> <br /> निमित्तं महदुत्पन्नं यज्ञविघ्नकरं तदा॥ 1-51-14<br /> <br /> यज्ञस्यायतने तस्मिन्क्रियमाणे वचोऽब्रवीत्।<br /> <br /> स्थपतिर्बुद्धिसम्पन्नो वास्तुविद्याविशारदः॥ 1-51-15<br /> <br /> इत्यब्रवीत्सूत्रधारः सूतः पौराणिकस्तदा।<br /> <br /> यस्मिन्देशे च काले च मापनेयं प्रवर्तिता॥ 1-51-16<br /> <br /> ब्राह्मणं कारणं कृत्वा नायं संस्थास्यते क्रतुः।<br /> <br /> एतच्छ्रुत्वा तु राजासौ प्राग्दीक्षाकालमब्रवीत्।<br /> <br /> क्षत्तारं न हि मे कश्चिदज्ञातः प्रविशेदिति॥ 1-51-17<br /> <br /> इति श्रीमहाभारते आदिपर्वणि आस्तीकपर्वणि सर्पसत्रोपक्रमे एकपञ्चाशत्तमोऽध्यायः॥ 51 ॥</div>

P16459