http://dharmawiki.org/index.php?action=history&feed=atom&title=Adiparva_Adhyaya_46_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AA%E0%A5%AC%29 2026-05-05T23:43:04Z Revision history for this page on the wiki MediaWiki 1.35.4 http://dharmawiki.org/index.php?title=Adiparva_Adhyaya_46_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%AA%E0%A5%AC)&diff=120715&oldid=prev 2019-10-16T11:46:58Z

<p>new pg</p> <p><b>New page</b></p><div>सौतिरुवाच<br /> <br /> एतच्छ्रुत्वा जरत्कारुर्भृशं शोकपरायणः।<br /> <br /> उवाच तान्पितॄन्दुःखाद्बाष्पसंदिग्धया गिरा॥ 1-46-1<br /> <br /> जरत्कारुरुवाच<br /> <br /> मम पूर्व भवन्तो वै पितरः सपितामहाः।<br /> <br /> तद्ब्रूत यन्मया कार्यं भवतां प्रियकाम्यया॥ 1-46-2<br /> <br /> अहमेव जरत्कारुः किल्बिषी भवतां सुतः।<br /> <br /> ते दण्डं धारयत मे दुष्कृतेरकृतात्मनः॥ 1-46-3<br /> <br /> पितर ऊचुः<br /> <br /> पुत्र दिष्ट्यासि सम्प्राप्त इमं देशं यदृच्छया।<br /> <br /> किमर्थं च त्वया ब्रह्मन्न कृतो दारसंग्रहः॥ 1-46-4<br /> <br /> जरत्कारुरुवाच<br /> <br /> ममायं पितरो नित्यं हृ[य]द्यर्थः परिवर्तते।<br /> <br /> ऊर्ध्वरेताः शरीरं वै प्रापयेयममुत्र वै॥ 1-46-5<br /> <br /> न दारान्वै करिष्येऽहमिति मे भावितं मनः।<br /> <br /> एवं दृष्ट्वा तु भवतः शकुन्तानिव लम्बतः॥ 1-46-6<br /> <br /> मया निवर्तिता बुद्धिर्ब्रह्मचर्यात्पितामहाः।<br /> <br /> करिष्ये वः प्रियं कामं निवेक्ष्येऽहमसंशयम्॥ 1-46-7<br /> <br /> सनाम्नीं यद्यहं कन्यामुपलप्स्ये कदाचन।<br /> <br /> भविष्यति च या काचिद्भैक्ष्यवत्स्वयमुद्यता॥ 1-46-8<br /> <br /> प्रतिग्रहीता तामस्मि न भरेयं च यामहम्।<br /> <br /> एवंविधमहं कुर्यां निवेशं प्राप्नुयां यदि॥ 1-46-9<br /> <br /> अन्यथा न करिष्येऽहं सत्यमेतत्पितामहाः।<br /> <br /> तत्र चोत्पत्स्यते जन्तुर्भवतां तारणाय वै।<br /> <br /> शाश्वताश्चाव्ययाश्चैव तिष्ठन्तु पितरो मम॥ 1-46-10<br /> <br /> सौतिरुवाच<br /> <br /> एवमुक्त्वा तु स पितॄंश्चचार पृथिवीं मुनिः।<br /> <br /> न च स्म लभते भार्यां वृद्धोऽयमिति शौनक॥ 1-46-11<br /> <br /> यदा निर्वेदमापन्नः पितृभिश्चोदितस्तथा॥ 1-46-11<br /> <br /> तदारण्यं स गत्वोच्चैश्चुक्रोश भृशदुःखितः।<br /> <br /> स त्वर[ण्य]ण्यंगतः प्राज्ञः पितॄणां हितकाम्यया॥ 1-46-12<br /> <br /> उवाच कन्यां याचामि तिस्रो वाचः शनैरिमाः।<br /> <br /> यानि भूतानि सन्तीह स्थावराणि चराणि च॥ 1-46-13<br /> <br /> अन्तर्हितानि वा यानि तानि शृण्वन्तु मे वचः।<br /> <br /> उग्रे तपसि वर्त[न्ते]न्तं पितरश्चोदयन्ति माम्॥ 1-46-14<br /> <br /> निविशस्वेति दुःखार्ताः सन्तानस्य चिकीर्षया।<br /> <br /> निवेशायाखिलां भूमिं कन्याभैक्ष्यं चरामि भोः॥ 1-46-15<br /> <br /> दरिद्रो दुःखशीलश्च पितृभिः संनियोजितः।<br /> <br /> यस्य कन्यास्ति भूतस्य ये मयेह प्रकीर्तिताः॥ 1-46-16<br /> <br /> ते मे कन्यां प्रयच्छन्तु चरतः सर्वतोदिशम्।<br /> <br /> मम कन्या सनाम्नी या भैक्ष्यवच्चोदिता भवेत्॥ 1-46-17<br /> <br /> भरेयं चैव यां नाहं तां मे कन्यां प्रयच्छत।<br /> <br /> ततस्ते पन्नगा ये वै जरत्कारौ समाहिताः॥ 1-46-18<br /> <br /> तामादाय प्रवृत्तिं ते वासुकेः प्रत्यवेदयन्।<br /> <br /> तेषां श्रुत्वा स नागेन्द्रस्तां कन्यां समलंकृताम्॥ 1-46-19<br /> <br /> प्रगृह्यारण्यमगमत्समीपं तस्य पन्नगः।<br /> <br /> तत्र तां भैक्ष्यवत्कन्यां प्रादात्तस्मै महात्मने॥ 1-46-20<br /> <br /> नागेन्द्रो वासुकिर्ब्रह्मन्न स तां प्रत्यगृह्णत।<br /> <br /> असनामेति वै मत्वा भरणे चाविचारिते॥ 1-46-21<br /> <br /> मोक्षभावे स्थितश्चापि द्वन्द्व[मन्दी]भूतः परिग्रहे।<br /> <br /> ततो नाम स कन्यायाः पप्रच्छ भृगुनन्दन।<br /> <br /> वासुकिं भरणं वास्या न कुर्यामित्युवाच ह॥ 1-46-22<br /> <br /> इति श्रीमहाभारते आदिपर्वणि आस्तीकपर्वणि वासुकिजरत्कारुसमागमे षट्चत्वारिंशोऽध्यायः॥ 46 ॥</div>

P16459