https://dharmawiki.org/index.php?action=history&feed=atom&title=Adiparva_Adhyaya_29_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%AF%29 2026-04-07T20:10:18Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_29_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%AF)&diff=120694&oldid=prev 2019-10-15T05:24:09Z

<p></p> <a href="https://dharmawiki.org/index.php?title=Adiparva_Adhyaya_29_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%AF)&amp;diff=120694&amp;oldid=120442">Show changes</a>

Tsvora https://dharmawiki.org/index.php?title=Adiparva_Adhyaya_29_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%AF)&diff=120442&oldid=prev 2019-09-04T13:14:56Z

<p>new</p> <p><b>New page</b></p><div>सौतिरुवाच<br /> <br /> तस्य कण्ठमनुप्राप्तो ब्राह्मणः सह भार्यया।<br /> <br /> दहन्दीप्त इवाङ्गारस्तमुवाचान्तरिक्षगः॥ 1-29-1<br /> <br /> द्विजोत्तम विनिर्गच्छ तूर्णमास्यादपावृतात्।<br /> <br /> न हि मे ब्राह्मणो वध्यः पापेष्वपि रतः सदा॥ 1-29-2<br /> <br /> ब्रुवाणमेवं गरुडं ब्राह्मणः प्रत्यभाषत।<br /> <br /> निषादी मम भार्येयं निर्गच्छतु मया सह॥ 1-29-3<br /> <br /> गरुड उवाच<br /> <br /> एतामपि निषादीं त्वं परिगृह्याशु निष्पत।<br /> <br /> तूर्णं सम्भावयात्मानमजीर्णं मम तेजसा॥ 1-29-4<br /> <br /> सौतिरुवाच<br /> <br /> ततः स विप्रो निष्क्रान्तो निषादीसहितस्तदा।<br /> <br /> वर्धयित्वा च गरुडमिष्टं देशं जगाम ह॥ 1-29-5<br /> <br /> सहभार्ये विनिष्क्रान्ते तस्मिन्विप्रे च पक्षिराट्।<br /> <br /> वितत्य पक्षावाकाशमुत्पपात मनोजवः॥ 1-29-6<br /> <br /> ततोऽपश्यत्स पितरं पृष्टश्चाख्यातवान्पितुः।<br /> <br /> यथान्यायममेयात्मा तं चोवाच महानृषिः॥ 1-29-7<br /> <br /> कश्यप उवाच<br /> <br /> कच्चिद्वः कुशलं नित्यं भोजने बहुलं सुत।<br /> <br /> कच्चिच्च मानुषे लोके तवान्नं विद्यते बहु॥ 1-29-8<br /> <br /> गरुड उवाच<br /> <br /> माता मे कुशला शश्वत्तथा भ्राता तथा ह्यहम्।<br /> <br /> न हि मे कुशलं तात भोजने बहुले सदा॥ 1-29-9<br /> <br /> अहं हि सर्पैः प्रहितः सोममाहर्तुमुत्तमम्।<br /> <br /> मातुर्दास्यविमोक्षार्थमाहरिष्ये तमद्य वै॥ 1-29-10<br /> <br /> मात्रा चात्र समादिष्टो निषादान्भक्षयेति ह।<br /> <br /> न च मे तृप्तिरभवद्भक्षयित्वा सहस्रशः॥ 1-29-11<br /> <br /> तस्माद्भक्ष्यं त्वमपरं भगवन्प्रदिशस्व मे।<br /> <br /> यद्भुक्त्वामृतमाहर्तुं समर्थः स्यामहं प्रभो।<br /> <br /> क्षुत्पिपासाविघातार्थं भक्ष्यमाख्यातु मे भवान्॥ 1-29-12<br /> <br /> कश्यप उवाच<br /> <br /> इदं सरो महापुण्यं देवलोकेऽपि विश्रुतम्।<br /> <br /> यत्र कूर्माग्रजं हस्ती सदा कर्षत्यवाङ्मुखः।<br /> <br /> तयोर्जन्मान्तरे वैरं सम्प्रवक्ष्याम्यशेषतः॥ 1-29-13<br /> <br /> तन्मे तत्त्वं निबोधस्व यत्प्रमाणौ च तावुभौ।<br /> <br /> आसीद्विभावसुः नाम महर्षिः कोपनो भृशम्॥ 1-29-14<br /> <br /> भ्राता तस्यानुजश्चासीत्सुप्रतीको महातपाः।<br /> <br /> स नेच्छति धनं भ्राता सहैकस्थं महामुनिः॥ 1-29-15<br /> <br /> विभागं कीर्तयत्येव सुप्रतीको हि नित्यशः।<br /> <br /> अथाब्रवीच्च तं भ्राता सुप्रतीकं विभावसुः॥ 1-29-16<br /> <br /> विभागं बहवो मोहात्कर्तुमिच्छन्ति नित्यशः।<br /> <br /> ततो विभक्तास्त्वन्योन्यं विक्रुध्यन्तेऽर्थमोहिताः॥ 1-29-17<br /> <br /> ततः स्वार्थपरान्मूढान्पृथग्भूतान्स्वकैर्धनैः।<br /> <br /> विदित्वा भेदयन्त्येतानमित्रा मित्ररूपिणः॥ 1-29-18<br /> <br /> विदित्वा चापरे भिन्नानन्तरेषु पतन्त्यथ।<br /> <br /> भिन्नानामतुलो नाशः क्षिप्रमेव प्रवर्तते॥ 1-29-19<br /> <br /> तस्माद्विभागं भ्रातॄणां न प्रशंसन्ति साधवः।<br /> <br /> एवमुक्तः सुप्रतीको भागं कीर्तयतेऽनिशम्।<br /> <br /> एवं निर्बध्यमानस्तु शशापैनं विभावसुः।<br /> <br /> गुरुशास्त्रे निबद्धानामन्योन्येनाभिशङ्किनाम्॥ 1-29-20<br /> <br /> नियन्तुं न हि शक्यस्त्वं भेदतो धनमिच्छसि।<br /> <br /> यस्मात्तस्मात्सुप्रतीक हस्तित्वं समवाप्स्यसि॥ 1-29-21<br /> <br /> शप्तस्त्वेवं सुप्रतीको विभावसुमथाब्रवीत्।<br /> <br /> त्वमप्यन्तर्जलचरः कच्छपः सम्भविष्यसि॥ 1-29-22<br /> <br /> एवमन्योन्यशापात्तौ सुप्रतीकविभावसू।<br /> <br /> गजकच्छपतां प्राप्तावर्थार्थं मूढचेतसौ॥ 1-29-23<br /> <br /> रोषदोषानुषङ्गेण तिर्यग्योनिगतावुभौ।<br /> <br /> परस्परद्वेषरतौ प्रमाणबलदर्पितौ॥ 1-29-24<br /> <br /> सरस्यस्मिन्महाकायौ पूर्ववैरानुसारिणौ।<br /> <br /> तयोरन्यतरः श्रीमान्समुपैति महागजः॥ 1-29-25<br /> <br /> यस्य बृंहितशब्देन कूर्मोऽप्यन्तर्जलेशयः।<br /> <br /> उत्थितोऽसौ महाकायः कृत्स्नं विक्षोभयन्सरः॥ 1-29-26<br /> <br /> यं दृष्ट्वा वेष्टितकरः पतत्येष गजो जलम्।<br /> <br /> दन्तहस्ताग्रलाङ्गूलपादवेगेन वीर्यवान्॥ 1-29-27<br /> <br /> विक्षोभयंस्ततो नागः सरो बहुझषाकुलम्।<br /> <br /> कूर्मोऽप्यभ्युद्यतशिरा युद्धायाभ्येति वीर्यवान्॥ 1-29-28<br /> <br /> षडुच्छ्रितो योजनानि गजस्तद्द्विगुणायतः।<br /> <br /> कूर्मस्त्रियोजनोत्सेधो दशयोजनमण्डलः॥ 1-29-29<br /> <br /> तावुभौ युद्धसम्मत्तौ परस्परवधैषिणौ।<br /> <br /> उपयुज्याशु कर्मेदं साधयेप्सितमात्मनः॥ 1-29-30<br /> <br /> महाभ्रघनसंकाशं तं भुक्त्वामृतमानय।<br /> <br /> महागिरिसमप्रख्यं घोररूपं च हस्तिनम्॥ 1-29-31<br /> <br /> सौतिरुवाच<br /> <br /> इत्युक्त्वा गरुडं सोऽथ माङ्गल्यमकरोत्तदा।<br /> <br /> युध्यतः सह देवैस्ते युद्धे भवतु मङ्गलम्॥ 1-29-32<br /> <br /> पूर्णकुम्भो द्विजा गावो यच्चान्यत्किञ्चिदुत्तमम्।<br /> <br /> शुभं स्वस्त्ययनं चापि भविष्यति तवाण्डज॥ 1-29-33<br /> <br /> युध्यमानस्य संग्रामे देवैः सार्धं महाबल।<br /> <br /> ऋचो यजूंषि सामानि पवित्राणि हवींषि च॥ 1-29-34<br /> <br /> रहस्यानि च सर्वाणि सर्वे वेदाश्च ते बलम्।<br /> <br /> इत्युक्तो गरुडः पित्रा गतस्तं ह्रदमन्तिकात्॥ 1-29-35<br /> <br /> अपश्यन्निर्मलजलं नानापक्षिसमाकुलम्।<br /> <br /> स तत्स्मृत्वा पितुर्वाक्यं भीमवेगोऽन्तरिक्षगः॥ 1-29-36<br /> <br /> नखेन गजमेकेन कूर्ममेकेन चाक्षिपत्।<br /> <br /> समुत्पपात चाकाशं तत उच्चैर्विहङ्गमः॥ 1-29-37<br /> <br /> सः अलम्बं तीर्थमासाद्य देववृक्षानुपागमत्।<br /> <br /> ते भीताः समकम्पन्त तस्य पक्षानिलाहताः॥ 1-29-38<br /> <br /> न नो भञ्ज्यादिति तदा दिव्याः कनकशाखिनः।<br /> <br /> प्रचलाङ्गान्स तान्दृष्ट्वा मनोरथफलद्रुमान्॥ 1-29-39<br /> <br /> अन्यानतुलरूपाङ्गानुपचक्राम खेचरः।<br /> <br /> काञ्चनै राजतैश्चैव फलैर्वैदूर्यशाखिनः॥ 1-29-40<br /> <br /> सागराम्बुपरिक्षिप्तान्भ्राजमानान्महाद्रुमान्।<br /> <br /> तमुवाच खगश्रेष्ठं तत्र रौहिणपादपः।<br /> <br /> अतिप्रवृद्धः सुमहानापतन्तं मनोजवम्॥ 1-29-41<br /> <br /> रौहिण उवाच<br /> <br /> यैषा मम महाशाखा शतयोजनमायता।<br /> <br /> एतामास्थाय शाखां त्वं खादेमौ गजकच्छपौ॥ 1-29-42<br /> <br /> ततो द्रुमं पतगसहस्रसेवितं महीधरप्रतिमवपुः प्रकम्पयन्।<br /> <br /> खगोत्तमो द्रुतमभिपत्य वेगवान्बभञ्ज तामविरलपत्रसंचयाम्॥ 1-29-43<br /> <br /> इति श्रीमहाभारते आदिपर्वणि आस्तीकपर्वणि सौपर्णे एकोनत्रिंशोऽध्यायः॥ 29 ॥</div>

Pṛthvī