https://dharmawiki.org/index.php?action=history&feed=atom&title=Adiparva_Adhyaya_23_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%A9%29 2026-04-05T10:27:48Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_23_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%A9)&diff=120683&oldid=prev 2019-10-14T09:57:43Z

<p></p> <a href="https://dharmawiki.org/index.php?title=Adiparva_Adhyaya_23_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%A9)&amp;diff=120683&amp;oldid=120419">Show changes</a>

Tsvora https://dharmawiki.org/index.php?title=Adiparva_Adhyaya_23_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A8%E0%A5%A9)&diff=120419&oldid=prev 2019-09-03T16:55:32Z

<p>new</p> <p><b>New page</b></p><div>सौतिरुवाच<br /> <br /> तं समुद्रमतिक्रम्य कद्रूर्विनतया सह।<br /> <br /> न्यपतत्तुरगाभ्याशे नचिरादिव शीघ्रगा॥ 1-23-1<br /> <br /> ततस्ते तं हयश्रेष्ठं ददृशाते महाजवम्।<br /> <br /> शशाङ्ककिरणप्रख्यं कालवालमुभे तदा॥ 1-23-2<br /> <br /> निशम्य च बहून्वालान्कृष्णान्पुच्छसमाश्रितान्।<br /> <br /> विषण्णरूपां विनतां कद्रूर्दास्ये न्ययोजयत्॥ 1-23-3<br /> <br /> ततः सा विनता तस्मिन्पणितेन पराजिता।<br /> <br /> अभवद्दुःखसंतप्ता दासीभावं समास्थिता॥ 1-23-4<br /> <br /> एतस्मिन्नन्तरे चापि गरुडः काल आगते।<br /> <br /> विना मात्रा महातेजा विदार्याण्डमजायत॥ 1-23-5<br /> <br /> महासत्त्वबलोपेतः सर्वा विद्योतयन्दिशः।<br /> <br /> कामरूपः कामगमः कामवीर्यो विहंगमः॥ 1-23-6<br /> <br /> अग्निराशिरिवोद्भासन्समिद्धोऽतिभयंकरः।<br /> <br /> विद्युद्विस्पष्टपिङ्गाक्षो युगान्ताग्निसमप्रभः॥ 1-23-7<br /> <br /> प्रवृद्धः सहसा पक्षी महाकायो नभोगतः।<br /> <br /> घोरो घोरस्वनो रौद्रो वह्निरौर्व इवापरः॥ 1-23-8<br /> <br /> तं दृष्ट्वा शरणं जग्मुर्देवा सर्वे विभावसुम्।<br /> <br /> प्रणिपत्याब्रुवंश्चैनमासीनं विश्वरूपिणम्॥ 1-23-9<br /> <br /> अग्ने मा त्वं प्रवर्धिष्ठाः कच्चिन्नो न दिधक्षसि।<br /> <br /> असौ हि राशिः सुमहान्समिद्धस्तव सर्पति॥ 1-23-10<br /> <br /> अग्निः उवाच<br /> <br /> नैतदेवं यथा यूयं मन्यध्वमसुरार्दनाः।<br /> <br /> गरुडो बलवानेष मम तुल्यश्च तेजसा॥ 1-23-11<br /> <br /> जातः परमतेजस्वी विनतानन्दवर्धनः।<br /> <br /> तेजोराशिमिमं दृष्ट्वा युष्मान्मोहः समाविशत्॥ 1-23-12<br /> <br /> नागक्षयकरश्चैव काश्यपेयो महाबलः।<br /> <br /> देवानां च हिते युक्तस्त्वहितो दैत्यरक्षसाम्॥ 1-23-13<br /> <br /> न भीः कार्या कथं चात्र पश्यध्वं सहिता मम।<br /> <br /> एवमुक्तास्तदा गत्वा गरुडं वाग्भिरस्तुवन्।<br /> <br /> ते दूरादभ्युपेत्यैनं देवाः सर्षिगणास्तदा॥ 1-23-14<br /> <br /> सूतः--<br /> <br /> एवमुक्तास्ततो देवा गारुडं वाग्भिरस्तुवन्।<br /> <br /> अदूरादभ्युपेत्यैनं देवाः सर्षिगणास्तदा।<br /> <br /> देवा ऊचुः<br /> <br /> त्वमृषिस्त्वं महाभागस्त्वं देवः पतगेश्वरः।<br /> <br /> त्वं प्रभुस्तपनः सूर्यः परमेष्ठी प्रजापतिः॥ 1-23-15<br /> <br /> त्वमिन्द्रस्त्वं हयमुखस्त्वं शर्वस्त्वं जगत्पतिः।<br /> <br /> त्वं मुखं पद्मजो विप्रस्त्वमग्निः पवनस्तथा॥ 1-23-16<br /> <br /> त्वं हि धाता विधाता च त्वं विष्णुः सुरसत्तमः।<br /> <br /> त्वं महानभिभूः शश्वदमृतं त्वं महद्यशः॥ 1-23-17<br /> <br /> त्वं प्रभास्त्वमभिप्रेतं त्वं नस्त्राणमनुत्तमम्।<br /> <br /> बलोर्मिमान्साधुरदीनसत्त्वः समृद्धिमान्दुर्विषहस्त्वमेव॥ 1-23-18<br /> <br /> त्वत्तः सृतं सर्वमहीनकीर्ते ह्यनागतं चोपगतं च सर्वम्।<br /> <br /> त्वमुत्तमः सर्वमिदं चराचरं गभस्तिभिर्भानुरिवावभाससे॥ 1-23-19<br /> <br /> समाक्षिपन्भानुमतः प्रभां मुहुस्त्वमन्तकः सर्वमिदं ध्रुवाध्रुवम्।<br /> <br /> दिवाकरः परिकुपितो यथा दहेत्प्रजास्तथा दहसि हुताशनप्रभ।<br /> <br /> भयंकरः प्रलय इवाग्निरुत्थितो विनाशयन्युगपरिवर्तनान्तकृत्॥ 1-23-20<br /> <br /> खगेश्वरं शरणमुपागता वयं महौजसं ज्वलनसमानवर्चसम्।<br /> <br /> तडित्प्रभं वितिमिरमभ्रगोचरं महाबलं गरुडमुपेत्य खेचरम्॥ 1-23-21<br /> <br /> परावरं वरदमजय्यविक्रमं तवौजसा सर्वमिदं प्रतापितम्।<br /> <br /> जगत्प्रभो तप्तसुवर्णवर्चसा त्वं पाहि सर्वांश्च सुरान्महात्मनः॥ 1-23-22<br /> <br /> भयान्विता नभसि विमानगामिनो विमानिता विपथगतिं प्रयान्ति ते।<br /> <br /> ऋषेः सुतस्त्वमसि दयावतः प्रभो महात्मनः खगवर कश्यपस्य ह॥ 1-23-23<br /> <br /> स मा क्रुधः कुरु जगतो दयां परां त्वमीश्वरः प्रशममुपैहि पाहि नः।<br /> <br /> महाशनिस्फुरितसमस्वनेन ते दिशोऽम्बरं त्रिदिवमियं च मेदिनी॥ 1-23-24<br /> <br /> चलन्ति नः खग हृदयानि चानिशं निगृह्यतां वपुरिदमग्निसंनिभम्।<br /> <br /> तव द्युतिं कुपितकृतान्तसंनिभां निशम्य नश्चलति मनोऽव्यवस्थितम्।<br /> <br /> प्रसीद नः पतगपते प्रयाचतां शिवश्च नो भव भगवन्सुखावहः॥ 1-23-25<br /> <br /> एवं स्तुतः सुपर्णस्तु देवैः सर्षिगणैस्तदा।<br /> <br /> तेजसः प्रतिसंहारमात्मनः स चकार ह॥ 1-23-26<br /> <br /> इति श्रीमहाभारते आदिपर्वणि आस्तीकपर्वणि सौपर्णे त्रयोविंशोऽध्यायः॥ 23 ॥</div>

Pṛthvī