https://dharmawiki.org/index.php?action=history&feed=atom&title=Adiparva_Adhyaya_133_%28%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9%E0%A5%A9%29 2026-04-07T18:35:53Z Revision history for this page on the wiki MediaWiki 1.35.4 https://dharmawiki.org/index.php?title=Adiparva_Adhyaya_133_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9%E0%A5%A9)&diff=120173&oldid=prev 2019-08-06T14:01:55Z

<p></p> <a href="https://dharmawiki.org/index.php?title=Adiparva_Adhyaya_133_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9%E0%A5%A9)&amp;diff=120173&amp;oldid=120091">Show changes</a>

Tsvora https://dharmawiki.org/index.php?title=Adiparva_Adhyaya_133_(%E0%A4%86%E0%A4%A6%E0%A4%BF%E0%A4%AA%E0%A4%B0%E0%A5%8D%E0%A4%B5%E0%A4%A3%E0%A4%BF_%E0%A4%85%E0%A4%A7%E0%A5%8D%E0%A4%AF%E0%A4%BE%E0%A4%AF%E0%A4%83_%E0%A5%A7%E0%A5%A9%E0%A5%A9)&diff=120091&oldid=prev 2019-07-28T11:59:23Z

<p>Created page with &quot;वैशम्पायन उवाच कृतास्त्रान्धार्तराष्ट्रांश्च पाण्डुपुत्रांश्...&quot;</p> <p><b>New page</b></p><div>वैशम्पायन उवाच<br /> <br /> कृतास्त्रान्धार्तराष्ट्रांश्च पाण्डुपुत्रांश्च भारत।<br /> <br /> दृष्ट्वा द्रोणोऽब्रवीद्राजन्धृतराष्ट्रं जनेश्वरम्॥ 1-133-1<br /> <br /> कृपस्य सोमदत्तस्य बाह्लीकस्य च धीमतः।<br /> <br /> गाङ्गेयस्य च सान्निध्ये व्यासस्य विदुरस्य च॥ 1-133-2<br /> <br /> राजन्सम्प्राप्तविद्यास्ते कुमाराः कुरुसत्तम।<br /> <br /> ते दर्शयेयुः स्वां शिक्षां राजन्ननुमते तव।<br /> <br /> ततोऽब्रवीन्महाराजः प्रहृष्टेनान्तरात्मना॥ 1-133-3<br /> <br /> धृतराष्ट्र उवाच<br /> <br /> भारद्वाज महत्कर्म कृतं ते द्विजसत्तम।<br /> <br /> यदानुमन्यसे कालं यस्मिन्देशे यथा यथा।<br /> <br /> तथा तथा विधानाय स्वयमाज्ञापयस्व माम्॥ 1-133-4<br /> <br /> स्पृहयाम्यद्य निर्वेदात्पुरुषाणां सचक्षुषाम्।<br /> <br /> अस्त्रहेतोः पराक्रान्तान्ये मे द्रक्ष्यन्ति पुत्रकान्॥ 1-133-5<br /> <br /> क्षत्तर्यद्गुरुराचार्यो ब्रवीति कुरु तत्तथा।<br /> <br /> न हीदृशं प्रियं मन्ये भविता धर्मवत्सल॥ 1-133-6<br /> <br /> ततो राजानमामन्त्र्य निर्गतो विदुरो बहिः।<br /> <br /> भारद्वाजो महाप्राज्ञो मापयामास मेदिनीम्॥ 1-133-7<br /> <br /> समामवृक्षां निर्गुल्मामुदक्प्रस्रवणान्विताम्।<br /> <br /> तस्यां भूमौ बलिं चक्रे तिथौ नक्षत्रपूजिते॥ 1-133-8<br /> <br /> अवघुष्टे समाजे च तदर्थं वदतां वरः।<br /> <br /> रङ्गभूमौ सुविपुलं शास्त्रदृष्टं यथाविधि॥ 1-133-9<br /> <br /> प्रेक्षागारं सुविहितं चक्रुस्ते तस्य शिल्पिनः।<br /> <br /> राज्ञः सर्वायुधोपेतं स्त्रीणां चैव नरर्षभ॥ 1-133-10<br /> <br /> मञ्चांश्च कारयामासुस्तत्र जानपदा जनाः।<br /> <br /> विपुलानुच्छ्रयोपेतान्शिबिकाश्च महाधनाः॥ 1-133-11<br /> <br /> तस्मिंस्ततोऽहनि प्राप्ते राजा ससचिवस्तदा।<br /> <br /> सान्तःपुरस्सहामात्यो व्यासस्यानुमते तदा।<br /> <br /> भीष्मं प्रमुखतः कृत्वा कृपं चाचार्यसत्तमम्॥ 1-133-12<br /> <br /> (बाह्लीकं सोमदत्तं च भूरिश्रवसमेव च।<br /> <br /> कुरूनन्यांश्च सचिवानादाय नगराद्बहिः॥)<br /> <br /> मुक्ताजालपरिक्षिप्तं वैदूर्यमणिशोभितम्।<br /> <br /> शातकुम्भमयं दिव्यं प्रेक्षागारमुपागमत्॥ 1-133-13<br /> <br /> गान्धारी च महाभागा कुन्ती च जयतां वर।<br /> <br /> स्त्रियश्च राज्ञः सर्वास्ताः सप्रेष्याः सपरिच्छदाः॥ 1-133-14<br /> <br /> हर्षादारुरुहुर्मुञ्चान्मेरुं देवस्त्रियो यथा।<br /> <br /> ब्राह्मणक्षत्रियाद्यं च चातुर्वर्ण्यं पुराद्द्रुतम्॥ 1-133-15<br /> <br /> दर्शनेप्सु समभ्यागात्कुमाराणां कृतास्त्रताम्।<br /> <br /> क्षणेनैकस्थतां तत्र दर्शनेप्सु जगाम ह॥ 1-133-16<br /> <br /> प्रवादितैश्च वादित्रैर्जनकौतूहलेन च।<br /> <br /> महार्णव इव क्षुब्धः समाजः सोऽभवत्तदा॥ 1-133-17<br /> <br /> ततः शुक्लाम्बरधरः शुक्लयज्ञोपवीतवान्।<br /> <br /> शुक्लकेशः सितश्मश्रुः शुक्लमाल्यानुलेपनः॥ 1-133-18<br /> <br /> रङ्गमध्यं तदाऽऽचार्यः सपुत्रः प्रविवेश ह।<br /> <br /> नभो जलधरैर्हीनं साङ्गारक इवांशुमान्॥ 1-133-19<br /> <br /> स यथासमयं चक्रे बलिं बलवतां वरः।<br /> <br /> ब्राह्मणांस्तु सुमन्त्रज्ञान्कारयामास मङ्गलम्॥ 1-133-20<br /> <br /> (सुवर्णमणिरत्नानि वस्त्राणि विविधानि च।<br /> <br /> प्रददौ दक्षिणां राजा द्रोणस्य च कृपस्य च॥)<br /> <br /> सुखपुण्यार्हघोषस्य पुण्यस्य समनन्तरम्।<br /> <br /> विविशुर्विविधं गृह्य शस्त्रोपकरणं नराः॥ 1-133-21<br /> <br /> ततो बद्धाङ्गुलित्राणा बद्धकक्षा महारथाः।<br /> <br /> बद्धतूणाः सधनुषो विविशुर्भरतर्षभाः॥ 1-133-22<br /> <br /> अनुज्येष्ठं तु ते तत्र युधिष्ठिरपुरोगमाः।<br /> <br /> (रणमध्ये स्थितं द्रोणमभिवाद्य नरर्षभाः।<br /> <br /> पूजां चक्रुर्यथान्यायं द्रोणस्य च कृपस्य च॥<br /> <br /> आशीर्भिश्च प्रयुक्ताभिः सर्वे संहृष्टमानसाः।<br /> <br /> अभिवाद्य पुनः शस्त्रान्बलिपुष्पैः समन्वितान्॥<br /> <br /> रक्तचन्दनसम्मिश्रैः स्वयमार्चन्त कौरवाः।<br /> <br /> रक्तचन्दनदिग्धाश्च रक्तमाल्यानुधारिणः॥<br /> <br /> सर्वे रक्तपताकाश्च सर्वे रक्तान्तलोचनाः।<br /> <br /> द्रोणेन समनुज्ञाता गृह्य शस्त्रं परन्तपाः॥<br /> <br /> धनूंषि पूर्वं सङ्गृह्य तप्तकाञ्चनभूषिताः।<br /> <br /> सज्यानि विविधाकारैः शरैः सन्धाय कौरवाः॥<br /> <br /> ज्याघोषं तलघोषं च कृत्वा भूतान्यपूजयन्।)<br /> <br /> चक्रुरस्त्रं महावीर्याः कुमाराः परमाद्भुतम्॥ 1-133-23<br /> <br /> केचिच्छराक्षेपभयाच्छिरांस्यवननामिरे।<br /> <br /> केषांचित्तरुमूलेषु शरा निपतिता नृप।<br /> <br /> केषांचित्पुष्पमुकुटे निपतन्ति स्म सायकाः॥<br /> <br /> केचिल्लक्ष्याणि विविधैर्बाणैराहितलक्षणैः।<br /> <br /> बिभिदुर्लाघवोत्सृष्टैर्गुरूणि च लघूनि च॥<br /> <br /> केचिच्छराक्षेपभयाच्छिरांस्यवननामिरे।<br /> <br /> मनुजा धृष्टमपरे वीक्षाञ्चक्रुः सुविस्मिताः॥ 1-133-24<br /> <br /> ते स्म लक्ष्याणि बिभिदुर्बाणैर्नामाङ्कशोभितैः।<br /> <br /> विविधैर्लाघवोत्सृष्टैरुह्यन्तो वाजिभिर्द्रुतम्॥ 1-133-25<br /> <br /> तत्कुमारबलं तत्र गृहीतशरकार्मुकम्।<br /> <br /> गन्धर्वनगराकारं प्रेक्ष्य ते विस्मिताभवन्॥ 1-133-26<br /> <br /> सहसा चुक्रुशुश्चान्ये नराः शतसहस्रशः।<br /> <br /> विस्मयोत्फुल्लनयनाः साधु साध्विति भारत॥ 1-133-27<br /> <br /> कृत्वा धनुषि ते मार्गान्रथचर्यासु चासकृत्।<br /> <br /> गजपृष्ठेऽश्वपृष्ठे च नियुद्धे च महाबलः॥ 1-133-28<br /> <br /> गृहीतखड्गचर्माणस्ततो भूयः प्रहारिणः।<br /> <br /> त्सरुमार्गान्यथोद्दिष्टांश्चेरुः सर्वासु भूमिषु॥ 1-133-29<br /> <br /> लाघवं सौष्ठवं शोभां स्थिरत्वं दृढमुष्टिताम्।<br /> <br /> ददृशुस्तत्र सर्वेषां प्रयोगं खड्गचर्मणोः॥ 1-133-30<br /> <br /> अथ तौ नित्यसंहृष्टौ सुयोधनवृकोदरौ।<br /> <br /> अवतीर्णौ गदाहस्तावेकशृङ्गाविवाचलौ॥ 1-133-31<br /> <br /> बद्धकक्षौ महाबाहू पौरुषे पर्यवस्थितौ।<br /> <br /> बृंहन्तौ वासिताहेतोः समदाविव कुञ्जरौ॥ 1-133-32<br /> <br /> तौ प्रदक्षिणसव्यानि मण्डलानि महाबलौ।<br /> <br /> चेरतुर्मण्डलगतौ समदाविव कुञ्जरौ॥ 1-133-33<br /> <br /> विदुरो धृतराष्ट्राय गान्धार्याः पाण्डवारणिः।<br /> <br /> न्यवेदयेतां तत्सर्वं कुमाराणां विचेष्टितम्॥ 1-133-34<br /> <br /> इति श्रीमहाभारते आदिपर्वणि सम्भवपर्वण्यस्त्रदर्शने त्रयस्त्रिंशदधिकशततमोऽध्यायः॥ 133॥</div>

Pṛthvī